XI Certame galego de Bandas de música populares

A nova edición do Certame Galego de bandas de música, organizado pola Federación Galega de Bandas de Música Populares, terá lugar durante a tarde dos días 25 e 26 de novembro de 2017 no Auditorio de Galicia, en Santiago de Compostela.

O compositor británico Laurence Roman, o músico, compositor e director valenciano Ferrer Ferran e o compositor galego Juan Durán son os membros do xurado internacional encargado de elixir as formacións gañadoras, que se darán a coñecer, xunto coas obras gañadoras do X Concurso de Composición, o domingo 26 durante o acto de clausura do evento.

Un total de dez formacións competirán nas tres seccións, interpretando un pasodobre de presentación e, xa en concurso, unha obra de libre de elección e outra de autoría galega proposta pola organización.

A retransmisión en directo realizarase desde a seguinte ligazón: https://www.youtube.com/FGdeBMP